Аргентина терма жамоаси ва «Бока Хуниорс» ярим ҳимоячиси Леандро Паредес 2026 йилги жаҳон чемпионати финалидан кейин ФИФА томонидан берилган 10 та ўйинга дисквалификация ҳақида фикр билдирди.
Эслатиб ўтамиз, ЖЧ-2026 финалида Испания қўшимча бўлимларда Аргентини 1:0 ҳисобида мағлуб этган. Якуний ҳуштакдан сўнг майдонда аргентиналик футболчилар бошлаган жанжал юзага келган. Можаронинг энг фаол иштирокчиларидан бири Паредес бўлиб, у испаниялик футболчиларга нисбатан жисмоний куч ишлатган.
Шунингдек, Паредес 90 минг доллар миқдорида жаримага ҳам тортилган.
«Бу менга бўрттириб юборилгандек туюлди. Гавига атиги бир ўйинга дисквалификация берилгани ғалати, ахир айнан у кўкрагимга мушт урган эди. Энди фақат апелляция бериш ва дисквалификация муддатини қисқартиришга эришиш мумкинми-йўқми, кўриш қолди», — деб Паредеснинг сўзларини келтиради TyC Sports.
