“Пари Сен-Жермен” Франция чемпионатининг 1-турида “Ренн”га қарши учрашувни кўчиргани учун 150 минг евро миқдорида жаримага тортилди. Бу ҳақда турнирни бошқарувчи ташкилот — мамлакат Профессионал футбол лигаси матбуот хизмати хабар берди.

Мазкур қарор клубларнинг майдон ҳолати ва захира стадион мавжудлиги бўйича мажбуриятларини белгиловчи моддани бузганлик сабабли қабул қилинган.

Маълумот учун, “ПСЖ” ва “Ренн” ўртасидаги учрашув майдоннинг ёмон ҳолати сабаб Париждан бошқа шаҳарга кўчирилган эди. Баҳс 23-август куни “Ренн”нинг уй стадионида бўлиб ўтган ва 2:2 ҳисобидаги дуранг билан якунланган.

Аввалроқ Мадриднинг “Реал” клуби Португалия терма жамоаси ва “ПСЖ”нинг 26 ёшли яримҳимоячиси Витиня трансфери бўйича парижликларга 150 млн евролик таклиф юборгани хабар қилинган эди.