«Наполи»нинг тажрибали бельгиялик ярим ҳимоячиси Кевин де Брёйне журналистлар билан суҳбатда ўз фикрича, Италия футболидаги асосий муаммони айтди.

Де Брёйне Corriere dello Sport нашрига берган интервьюсида кўплаб италиялик клублар ёш футболчиларига кўпроқ имконият бериши кераклигини таъкидлади.

Бельгиялик футболчи «Наполи»га ўтганида Антонио Вергарени 18 ёшда деб ўйлагани, аслида эса у 23 ёшда эканини айтди.

«Бельгия ёки Англияда 18 ёшингдаёқ асосий таркибда мунтазам ўйнайсан. Италияда эса фалсафа бошқача. Ёш футболчилар тезроқ ривожланиши учун кўпроқ ўйнаши керак», — деди де Брёйне.

Эслатиб ўтамиз, 35 ёшли Кевин де Брёйне ўтган мавсумда Италия чемпионатида «Наполи» таркибида 18 та ўйин ўтказиб, 5 та гол урган ва 2 та голли узатма амалга оширган.