Хабарингиз бор, Ўзбекистон кубогининг 1/8 финалидан ўрин олган баҳсда "Навбаҳор" ўз майдонида Қаршининг “Насаф” клубини қабул қилади.
Мазкур жамоаларнинг Ўзбекистон кубогидаги натижаларига назар соладиган бўлсак, “Навбаҳор” биллур совринни 3 марта – 1992, 1995 ва 1998 йилларда қўлга киритган ҳамда 3 марта, яъни, 1993, 2022 ва 2024 йилларда ушбу мусобақанинг финал иштирокчисига айланиб, ҳал қилувчи баҳсларда тегишлича “Пахтакор” (1993, 0:3), “Насаф” (2022 йил, 1:2) ҳамда “Андижон” (2:3) жамоаларига имкониятни бой берган.
“Насаф” эса 4 марта – 2015, 2021, 2022 ва 2023 йилларда Ўзбекистон кубоги соҳибига айланган ҳамда ушбу мусобақанинг 5 карра (2003, 2011, 2012, 2013, 2016) финалчиси ҳисобланади.
Эътиборлиси, қаршиликлар Ўзбекистон кубогининг ҳал қилувчи баҳсида икки марта “Пахтакор” (2003, 2011 йиллар), икки марта “Бунёдкор” (2012-2013 йиллар) ва бир марта “Локомотив” (2016 йил)дан мағлубиятга учрашган.
“Навбаҳор” ҳамда “Насаф” жамоалари Ўзбекистон кубоги баҳсларида ўзаро 12 марта учрашишган.
Мазкур ўйинларнинг 9 тасида “аждарлар”, 3 тасида эса “лочинлар” ғалаба қозонишган. Ушбу учрашувларда қаршиликлар наманганликлар дарвозасига 21 та тўп киритишган бўлса, вакилларимиз “аждарлар” дарвозасига 13 та гол уришган.
Барча учрашувлар натижалари:
1992 йил. 1/16 финал
“Навбаҳор” – “Пахтачи” – 4:0
“Пахтачи” – “Навбаҳор” – 3:0
1996 йил. 2-раунд
“Навбаҳор” – “Динамо-Насаф” – 3:1
2001 йил. 1/8 финал
“Насаф” – “Навбаҳор” – 3:0
2003 йил. Ярим финал
“Навбаҳор” – “Насаф” – 1:2
“Насаф” – “Навбаҳор” – 3:1
2014 йил. Чорак финал
“Навбаҳор” – “Насаф” – 0:1
“Насаф” – “Навбаҳор” – 3:1
2019 йил.Чорак финал
“Навбаҳор” – “Насаф” – 0:1
2020 йил. Чорак финал
“Навбаҳор” – “Насаф” – 1:2
2022 йил. Финал
“Навбаҳор” – “Насаф” – 1:2
2024 йил. Гуруҳ босқичи. 1-тур
“Насаф” – “Навбаҳор” – 0:1.
Изоҳ: “Насаф” жамоаси 1992 йили “Пахтачи”, 1996 йили эса “Динамо-Насаф” деб юритилган.1997 йилдан эса “Насаф” деб номланган.
Эслатиб ўтамиз, Ўзбекистон кубогининг 1/8 финалидан ўрин олган “Навбаҳор” – “Насаф” баҳси 30 август куни Наманган шаҳридаги “Марказий” ўйингоҳда соат 19:00 да старт олади.
“Навбаҳор” ПФК матбуот хизмати.
