Xabaringiz bor, O‘zbekiston kubogining 1/8 finalidan o‘rin olgan bahsda "Navbahor" o‘z maydonida Qarshining “Nasaf” klubini qabul qiladi.
Mazkur jamoalarning O‘zbekiston kubogidagi natijalariga nazar soladigan bo‘lsak, “Navbahor” billur sovrinni 3 marta – 1992, 1995 va 1998 yillarda qo‘lga kiritgan hamda 3 marta, ya’ni, 1993, 2022 va 2024 yillarda ushbu musobaqaning final ishtirokchisiga aylanib, hal qiluvchi bahslarda tegishlicha “Paxtakor” (1993, 0:3), “Nasaf” (2022 yil, 1:2) hamda “Andijon” (2:3) jamoalariga imkoniyatni boy bergan.
“Nasaf” esa 4 marta – 2015, 2021, 2022 va 2023 yillarda O‘zbekiston kubogi sohibiga aylangan hamda ushbu musobaqaning 5 karra (2003, 2011, 2012, 2013, 2016) finalchisi hisoblanadi.
E’tiborlisi, qarshiliklar O‘zbekiston kubogining hal qiluvchi bahsida ikki marta “Paxtakor” (2003, 2011 yillar), ikki marta “Bunyodkor” (2012-2013 yillar) va bir marta “Lokomotiv” (2016 yil)dan mag‘lubiyatga uchrashgan.
“Navbahor” hamda “Nasaf” jamoalari O‘zbekiston kubogi bahslarida o‘zaro 12 marta uchrashishgan.
Mazkur o‘yinlarning 9 tasida “ajdarlar”, 3 tasida esa “lochinlar” g‘alaba qozonishgan. Ushbu uchrashuvlarda qarshiliklar namanganliklar darvozasiga 21 ta to‘p kiritishgan bo‘lsa, vakillarimiz “ajdarlar” darvozasiga 13 ta gol urishgan.
Barcha uchrashuvlar natijalari:
1992 yil. 1/16 final
“Navbahor” – “Paxtachi” – 4:0
“Paxtachi” – “Navbahor” – 3:0
1996 yil. 2-raund
“Navbahor” – “Dinamo-Nasaf” – 3:1
2001 yil. 1/8 final
“Nasaf” – “Navbahor” – 3:0
2003 yil. Yarim final
“Navbahor” – “Nasaf” – 1:2
“Nasaf” – “Navbahor” – 3:1
2014 yil. Chorak final
“Navbahor” – “Nasaf” – 0:1
“Nasaf” – “Navbahor” – 3:1
2019 yil.CHorak final
“Navbahor” – “Nasaf” – 0:1
2020 yil. Chorak final
“Navbahor” – “Nasaf” – 1:2
2022 yil. Final
“Navbahor” – “Nasaf” – 1:2
2024 yil. Guruh bosqichi. 1-tur
“Nasaf” – “Navbahor” – 0:1.
Izoh: “Nasaf” jamoasi 1992 yili “Paxtachi”, 1996 yili esa “Dinamo-Nasaf” deb yuritilgan.1997 yildan esa “Nasaf” deb nomlangan.
Eslatib o‘tamiz, O‘zbekiston kubogining 1/8 finalidan o‘rin olgan “Navbahor” – “Nasaf” bahsi 30 avgust kuni Namangan shahridagi “Markaziy” o‘yingohda soat 19:00 da start oladi.
“Navbahor” PFK matbuot xizmati.
