«Реал Мадрид» ярим ҳимоячиси Мануэль Анхель «Фулхэм»га ўтишга яқин турибди. Diario AS маълумотига кўра, клублар трансфернинг деярли барча шартлари бўйича келишувга эришган.

Келишувга кўра, «Реал» футболчи кейинчалик бошқа клубга сотилса, трансфер суммасининг салмоқли қисмини олади. Худди шундай шарт бу ёзда «Фулхэм»га ўтган Гонсало Гарсия ва Сесар Паласиос трансферларида ҳам қўлланилган.

Мануэль Анхель асосан «Реал»нинг иккинчи жамоасида тўп тепган. У асосий таркиб сафида эса жами 7 та учрашувда майдонга тушган.

Transfermarkt портали 22 ёшли испаниялик футболчининг бозор қийматини 5 миллион еврога баҳоламоқда.

Эслатиб ўтамиз, «Фулхэм»ни июль ойидан буён илгари «Реал» тизимида ишлаган Альваро Арбелоа бошқариб келмоқда.