«Ал-Дирия» ҳужумчиси Дарвин Нуньес «Ал-Иттифоқ»қа қарши ўйинда дубль қайд этиб, жамоасининг 3:0 ҳисобидаги ғалабасига катта ҳисса қўшди.

Уругвайлик форвард 8 ва 81-дақиқаларда рақиб дарвозасини ишғол қилди. Бу Нуньеснинг янги жамоаси сафидаги илк голлари бўлди. У атиги бир ҳафта олдин «Ал-Ҳилол»дан ижара асосида «Ал-Дирия»га келиб қўшилган эди.

Эътиборлиси, «Ливерпуль»нинг собиқ ҳужумчиси қарийб ярим йилдан сўнг илк бор гол урди. У бунга қадар сўнгги марта 16 февраль куни рақиб дарвозасини ишғол қилган. Саудия Арабистони чемпионатидаги аввалги голи эса январь ойи бошига тўғри келади.

Нуньеснинг «Ал-Дирия»даги ижара муддати мавсум якунига қадар мўлжалланган.

«Ал-Иттифоқ»қа қарши баҳс унинг янги клуби сафидаги иккинчи учрашуви бўлди. Дебют ўйинида у «Ал-Хулуд»га қарши 1:1 ҳисобида якунланган баҳсда гол ура олмаган эди.