«Арсенал» бразилиялик вингер Габриэль Мартинеллини Саудия Арабистонининг «Ал-Ҳилол» клубига 55,7 миллион фунт стерлинг эвазига сотишга келишди.

Бу Лондон клуби тарихидаги энг қиммат трансфер бўлади. Мартинелли янги жамоасига ўтишдан олдин тиббий кўрикдан ўтиши учун рухсат олган.

Шунингдек, «Арсенал» Габриэль Жезуснинг «Барселона»га ўтиши бўйича ҳам принципиал келишувга эришди. Испания клуби 29 ёшли ҳужумчи учун 8,6 миллион фунт стерлинг тўлайди.

Мартинелли 2019 йилдан буён «Арсенал» сафида тўп тепиб келаётган эди. У жамоа таркибида 278 та учрашув ўтказиб, 62 та гол урган. Ўтган мавсумда эса «Арсенал» билан Англия чемпионлигини қўлга киритди.

Габриэль Жезус эса 2022 йилда «Манчестер Сити»дан «Арсенал»га ўтган. Бразилиялик футболчи Лондон клуби сафида 132 та учрашувда 32 та гол урган.