«Комо» бош мураббийи Сеск Фабрегас «Наполи»га қарши ғалабали учрашувни шарҳлади. Италия чемпионатининг иккинчи туридаги баҳс 2:1 ҳисобида якунланди.

«Бугун кўрганларимдан жуда мамнунман. Бундай иссиқда 32 футболчининг барчаси қаҳрамон бўлди. Максимал даражадаги шиддат билан прессинг қилиш имконсиз эди, аммо йигитлар тўғри кайфиятда майдонга тушиб, прессинг қилишга ҳаракат қилишди.

«Наполи» ҳозир биз қилаётган ишларни 25 йил аввал Де Лаурентис билан бирга бошлаган. Биз «Наполи» эришган даражага етишдан ҳали жуда узоқдамиз. Биз камтарлигимизни сақлаб, ривожланишда давом этишимиз керак», — дея мутахассиснинг сўзларини Calcio Napoli 1926 портали келтиради.

«Комо» ҳисобида 4 очко бор ва жамоа турнир жадвалида 4-ўринда. «Наполи» эса 3 очко билан 12-поғонада.