Марокашлик футболчи Софьян Амрабат кутилмаганда Амстердамнинг «Аякс» клубига ўтди. Янги жамоаси футболчиси сифатида берган илк интервьюсида у бу қарорни қандай қабул қилганини тушунтирди. Унинг сўзларига кўра, уни Жорди Кройф кўндирган.

«Менга хабар келди: “Сенда ҳали ҳам бу рақам борми?”. Мен қарадим, аватарда Жордининг суратини кўрдим ва: “Сен Жорди Кройффмисан?” деб жавоб бердим. Ҳозирги замонда ҳеч қачон аниқ ишонч ҳосил қила олмайсиз. У дарҳол менга қўнғироқ қилди. Тахминан ярим соат жуда яхши суҳбатлашдик», — дея Амрабатнинг сўзларини derbyderbyderby.it келтиради.

Аввалроқ Софьян Амрабат 2022 йилги Жаҳон чемпионатидан кейин Англиянинг «Манчестер Юнайтед» клубида ҳам тўп тепган.