«Аталанта» ҳимоячиси Онест Аханор Лондоннинг «Челси» клуби футболчисига айланади. Инсайдер Фабрицио Романонинг ижтимоий тармоқларда маълум қилишича, «аристократлар» 18 ёшли футболчининг трансфери бўйича 47 миллион евро эвазига келишувга эришган.
Манбага кўра, битим расмийлаштирилганидан сўнг Аханор «Кристал Пэлас»га ижарага берилади. Истиқболли футболчи 2026/27 йилги мавсум якунига қадар «бургутлар» сафида ҳаракат қилади. Бу хабар бошқа манбаларда ҳам тасдиқланган.
Ўтган мавсумда ҳимоячи Италия чемпионатида «Аталанта» таркибида 22 та учрашувда майдонга тушган.
