Лондоннинг «Тоттенхэм» клубига тегишли бўлган ҳужумкор ярим ҳимоячи Майки Мур фаолиятини Германияда давом эттиради. Бу ҳақда журналист Фабрицио Романо ижтимоий тармоқлар орқали хабар берди.
19 ёшли англиялик футболчининг янги жамоаси «Кёльн» бўлади. «Эчкилар» Мурни 2026/2027 йилги мавсум якунига қадар ижарага олади. Шу билан бирга, томонлар ўртасидаги келишувда футболчини кейинчалик сотиб олиш ҳуқуқи кўзда тутилмайди.
Ўтган мавсумда вингер Шотландиянинг «Рейнжерс» клуби шарафини ҳимоя қилди. Майки маҳаллий чемпионатда 33 та учрашувда майдонга тушиб, 7 та гол урди ва 3 та голли узатмани амалга оширди.
