«Ювентус» ҳужумчи Ник Вольтемаде билан шахсий шартлар бўйича келишувга эришди. Бу ҳақда трансферлар бўйича журналист Маттео Моретто хабар берди.
Манба маълумотига кўра, айни пайтда «Ювентус» ва футболчининг амалдаги клуби ўртасидаги музокаралар якуний босқичга яқинлашган. Битим ижара шаклида расмийлаштирилиши кутилмоқда.
Мореттонинг қайд этишича, яқин соатлар ҳал қилувчи аҳамиятга эга бўлади. «Бьянконери» клублар ўртасидаги келишувни тезроқ якунлаш устида иш олиб бормоқда.
«Ювентус» Жонатан Дэвидни «Атлетико»га юборганидан сўнг, трансфер ойнаси ёпилишига қадар ҳужум чизиғини кучайтиришга ҳаракат қилмоқда.
