«Yuventus» hujumchi Nik Voltemade bilan shaxsiy shartlar bo‘yicha kelishuvga erishdi. Bu haqda transferlar bo‘yicha jurnalist Matteo Moretto xabar berdi.

Manba ma’lumotiga ko‘ra, ayni paytda «Yuventus» va futbolchining amaldagi klubi o‘rtasidagi muzokaralar yakuniy bosqichga yaqinlashgan. Bitim ijara shaklida rasmiylashtirilishi kutilmoqda.

Morettoning qayd etishicha, yaqin soatlar hal qiluvchi ahamiyatga ega bo‘ladi. «Byankoneri» klublar o‘rtasidagi kelishuvni tezroq yakunlash ustida ish olib bormoqda.

«Yuventus» Jonatan Devidni «Atletiko»ga yuborganidan so‘ng, transfer oynasi yopilishiga qadar hujum chizig‘ini kuchaytirishga harakat qilmoqda.