«Фиорентина» Вилли Ньонто трансфери бўйича «Лидс Юнайтед» билан оғзаки келишувга эришди. Бу ҳақда инсайдер Фабрицио Романо хабар берди.

Манба маълумотига кўра, италиялик ҳужумчи сешанба куни тиббий кўрикдан ўтади. Битим ижара шаклида амалга оширилади.

Шу билан бирга, «Лидс» келишувга «Фиорентина» учун футболчини келаси ёзда тўлиқ сотиб олиш ҳуқуқини киритишга рози бўлган.

Ижара даври мобайнида 22 ёшли Ньонтонинг маошини «Фиорентина» тўлиқ тўлайди.

Томонлар ўртасидаги музокаралардан сўнг айнан шундай формат маъқулланган: бу Ньонтога Италия футболига қайтиш имконини беради, «Фиорентина» эса футболчини бир мавсум давомида кузатиб, кейин уни тўлиқ харид қилиш-қилмаслик бўйича қарор қабул қилади.