«Атлетико» ҳимоячиси Кристиан Ромеро жамоа машғулоти вақтида ватандоши Хулиан Альваресни қўллаб-қувватлади.

Машғулот давомида Ромеро Альваресга далда беришга ҳаракат қилди ва у билан кўп мулоқотда бўлди.

Хулиан яқинда касаллик сабаб бир неча кунлик танаффусдан сўнг машғулотларга қайтди. Аргентиналик ҳужумчи кетма-кет учта машғулотни, шунингдек, «Севилья»га қарши 3:1 ҳисобида якунланган учрашувни ўтказиб юборган эди.

Ромеро эса жорий ёзда «Тоттенхэм»дан «Атлетико» сафига кўчиб ўтди. Шу тариқа, 2022 йилги жаҳон чемпионатида Аргентина терма жамоаси билан биргаликда ғолиб чиққан икки футболчи энди клуб миқёсида ҳам жамоадошга айланди.

Шу билан бирга, Хулиан Альвареснинг Мадрид клубидаги келажаги ҳануз ноаниқ бўлиб турибди. «Барселона» ҳужумчи билан боғлиқ вазиятни кузатишда давом этмоқда. Хабарларга кўра, Альвареснинг ўзи ҳам «Атлетико»ни тарк этиш ниятида.