«Милан», «Барселона» ва Италия терма жамоасининг собиқ футболчиси Жанлука Дзамбротта «россонерилар» сафидаги ўзгаришларга ижобий баҳо берди.

Унинг фикрича, «Милан» ўтган мавсумга нисбатан энг катта ўсиш ва янгиланишни намоён этган жамоалардан бири ҳисобланади.

«Энг кўп ўзгарган жамоа — «Милан». Албатта, битта тур асосида катта хулоса чиқариш қийин, аммо ўйинга ёндашув нуқтаи назаридан ҳам айрим янгиликларни ҳозирнинг ўзида кўриш мумкин», — деди Замбротта.

Унинг сўзларини pianetamilan.it келтирди.

«Милан» янги Италия чемпионатини икки ғалаба билан бошлади. Жамоа дастлаб «Торино»ни, кейин эса «Венеция»ни мағлуб этди.

Эслатиб ўтамиз, «Милан» сўнгги бор 2022 йилда Италия чемпиони бўлган.