Франция терма жамоаси ва «Рома» ярим ҳимоячиси Ману Коне Англия Премьер-лигасининг топ-клубларидан бирига ўтиши мумкин.
Инсайдер Николо Скира ижтимоий тармоқларда хабар беришича, хавбекни ўз сафига қўшиб олишга Лондоннинг «Челси» клуби уриниб кўрди. «Челси» француз футболчисининг трансфери учун «Рома»га 65 миллион евро таклиф қилди. Энди қарор футболчи ва «Рома» раҳбариятига боғлиқ.
25 ёшли ярим ҳимоячи ўтган мавсумда А Серияда 29 та ўйинда майдонга тушди. Ману 2 та гол урди, 3 та голли узатма амалга оширди ва 2 та сариқ карточка олди. Унинг «Рома» билан шартномаси 2029 йил июнь ойи охиригача амал қилади.
