"Штутгарт" таянч ярим ҳимоячиси Андрес Чема "Брайтон"га ўтишга яқин турибди. Sky Sport маълумотига кўра, Германия клуби ва "чағалайлар" трансфер бўйича оғзаки келишувга эришган.

21 ёшли испаниялик ярим ҳимоячи Англия клубига 23 миллион евро эвазига ўтади. Шунингдек, келишувда футболчининг кейинги трансферидан "Штутгарт"га юқори фоиз тўланиши ҳам кўзда тутилган.

Қайд этилишича, бугун музокаралар анча илгарилаган. Мадриднинг "Реал" клуби тарбияланувчиси бўлган Чема аллақачон тиббий кўрикдан ўтиш учун йўл олган.

Футболчи "Штутгарт" сафида жами 41 та учрашувда майдонга тушиб, 4 та гол урган ва 2 та голли узатмани амалга оширган. Шунингдек, у 6 марта сариқ карточка олган.