"Shtutgart" tayanch yarim himoyachisi Andres Chema "Brayton"ga o‘tishga yaqin turibdi. Sky Sport ma’lumotiga ko‘ra, Germaniya klubi va "chag‘alaylar" transfer bo‘yicha og‘zaki kelishuvga erishgan.

21 yoshli ispaniyalik yarim himoyachi Angliya klubiga 23 million yevro evaziga o‘tadi. Shuningdek, kelishuvda futbolchining keyingi transferidan "Shtutgart"ga yuqori foiz to‘lanishi ham ko‘zda tutilgan.

Qayd etilishicha, bugun muzokaralar ancha ilgarilagan. Madridning "Real" klubi tarbiyalanuvchisi bo‘lgan Chema allaqachon tibbiy ko‘rikdan o‘tish uchun yo‘l olgan.

Futbolchi "Shtutgart" safida jami 41 ta uchrashuvda maydonga tushib, 4 ta gol urgan va 2 ta golli uzatmani amalga oshirgan. Shuningdek, u 6 marta sariq kartochka olgan.