«Рома»нинг собиқ сардори Франческо Тотти кутилмаганда баскетбол соҳасида иш бошлашга қарор қилди.
У жорий йилнинг июнь ойида америкалик тадбиркор Пол Матиашич томонидан ташкил этилган янги «Максима Рома» баскетбол клуби лойиҳасига ёрдам беришга рози бўлди.
Ҳозирча Тотти клуб раҳбариятига маслаҳат беради, шунингдек, мухлислар ҳаракатини шакллантириш ва ривожлантириш ишлари билан шуғулланади.
Қизиғи, у билан бирга Чиро Иммобиле ҳам ишлаши мумкин. Ҳар ҳолда, италиялик футболчи мазкур лойиҳа муносабати билан клуб раҳбарияти томонидан эълон қилинган видеороликда ҳам кўриниш берган. Бу ҳақда derbyderbyderby.it хабар бермоқда.
Эслатиб ўтамиз, Франческо Тотти 2017 йилда футболчилик фаолиятини якунлаган.
