«Манчестер Сити»нинг янги футболчиси Энцо Фернандес «Челси» билан хайрлашди.

«Шаҳарликлар» трансфер ойнаси ёпилиши арафасида ярим ҳимоячи билан шартнома имзолаганини расман эълон қилди. Трансфер қиймати қарийб 145 миллион еврони ташкил этди.

«Ҳаётда баъзан қарор қабул қилишга тўғри келади ва мен жуда қийин танлов қаршисида қолдим. Буни аввал ҳам айтганман, аммо яна бир бор такрорламоқчиман: мен «Челси»га жуда қаттиқ боғланиб қолдим. Бу клуб доимо хаёлимда ва энг муҳими, қалбимда алоҳида ўрин тутади.

Бироқ футбол қандай ишлашини ҳам яхши тушунаман. Сизлар футболни қанчалик севишингизни биламан, чунки мен ҳам худди шундайман. Эҳтимол, сизларнинг ўрнингизда бўлганимда, мен ҳам худди шундай ўйлаган бўлардим», — деб ёзди 25 ёшли футболчи ижтимоий тармоқларда «Челси» мухлисларига мурожаат қилиб.

Фернандес, шунингдек, собиқ жамоадошлари ва Лондон клубининг барча ходимларига миннатдорлик билдирди.

У мурожаатини «Абадий «кўк» бўлиб қоламан. Раҳмат, «Челси»», деган таъсирли сўзлар билан якунлади.