«Лацио» франциялик ҳимоячи Самюэль Жиго билан шартнома бекор қилинганини расман эълон қилди. Бу ҳақда Италия клубининг расмий сайтида маълум қилинди.

Қайд этилишича, 32 ёшли футболчи билан келишув томонларнинг ўзаро розилиги асосида бекор қилинган. Жиго бел қисмидаги муаммолар сабаб жорий мавсумда ҳали майдонга тушмаган.

Ҳимоячи 2023 йилдан буён «Лацио» шарафини ҳимоя қилиб келаётган эди. Шу вақт давомида у жамоа сафида 23 та ўйин ўтказиб, 2 та гол урди ва 1 та голли узатмани амалга оширди.

Жиго фаолияти давомида Москванинг «Спартак», «Марсель», «Гент» ва бошқа бир қатор клубларида ҳам тўп сурган.

Transfermarkt портали маълумотига кўра, футболчининг бозор қиймати 1,2 миллион еврони ташкил этади.