«Фиорентина» трансфер бозорида бир вақтнинг ўзида икки муҳим келишувни амалга оширди.

Флоренция клуби «Лидс» вингери Вильфрид Ньонтoни ўз сафига қўшиб олди. 22 ёшли италиялик футболчи «бинафшаранглилар»га ижара асосида ўтди, келишувга уни кейинчалик тўлиқ сотиб олиш ҳуқуқи ҳам киритилган.

Ньонто ўтган мавсум Англия Премьер-лигасида 23 та ўйинда майдонга тушиб, 1 та голли узатмани амалга оширган.

Шу билан бирга, «Фиорентина» ярим ҳимоячиси Роландо Мандрагора клубни тарк этди. 29 ёшли футболчи «Торино»га 5 миллион евро эвазига трансфер қилинди.

Жанлука Ди Марцио маълумотига кўра, Мандрагора Турин клуби билан 4 йиллик шартнома имзолаган.

Ўтган мавсумда италиялик ярим ҳимоячи А Серияда 34 та ўйинда қатнашиб, 7 та гол урди ва 3 та голли узатмани амалга оширди.