«Лион» расмий сайти Япония терма жамоаси ҳужумчиси Кейто Накамуранинг «Реймс»дан трансфер қилинганини эълон қилди.
26 ёшли япониялик футболчи янги клуби билан 2030 йил 30 июнига қадар мўлжалланган шартнома имзолади. Накамура «Лион» тарихида жамоа шарафини ҳимоя қиладиган илк япониялик футболчи бўлади.
Трансфер қиймати 1 миллион еврони ташкил этди. Шу билан бирга, турли бонуслар ҳисобига «Лион» яна 19,5 миллион еврогача тўлов амалга ошириши мумкин. Бундан ташқари, «Реймс» футболчи келажакда қайта сотилса, трансфердан олинадиган фойданинг 12,5 фоизига эга бўлади.
«Мен «Лион»га қўшилганимдан жуда хурсандман. Бу буюк клуб. Янги либосда майдонга тушиш ва жамоага голларим билан фойда келтиришни интиқлик билан кутяпман. Клуб тарихидаги биринчи япониялик футболчи эканимни билдим. Бу мен учун жуда муҳим ва мамлакатимни муносиб тарзда намойиш этишга умид қиламан», — деди Накамура.
Transfermarkt портали футболчининг бозор қийматини 12 миллион еврога баҳоламоқда.
Накамура 2023 йилдан буён «Реймс» шарафини ҳимоя қилиб келаётган эди. У клуб сафида 97 та ўйин ўтказиб, 30 та гол урган.
