«Сандерленд» «Индепендьенте дель Валье» ҳужумчиси Хуан Ангулони ўз сафига қўшиб олганини эълон қилди.

«Қора мушуклар» 193 сантиметр бўйга эга 18 ёшли эквадорлик футболчи билан узоқ муддатли шартнома имзолади. Клуб келишув тафсилотларини расман очиқламаган.

Transfermarkt маълумотига кўра, «Сандерленд» Ангуло трансфери учун 5,85 миллион евро тўлаган. Футболчининг янги клуби билан шартномаси 2031 йил июнига қадар мўлжалланган.

Жорий Эквадор чемпионатида Ангуло 15 та учрашувда майдонга тушиб, 6 та гол урди ва 3 та голли узатмани амалга оширди.