2 сентябрь куни «Бавария» Германия кубоги 1-босқичида сафарда «Оснабрюк»га қарши майдонга тушди.
Мюнхенликларнинг учрашувдаги биринчи голига Харри Кейн муаллифлик қилди.
Англиялик ҳужумчи шу тариқа Германия кубогида кетма-кет еттинчи учрашувда гол урди ва «Бавария» клуб рекордини такрорлади.
Opta маълумотига кўра, аввал бундай натижага икки футболчи эришган. Герд Мюллер 1967–1968 йилларда Германия кубогида кетма-кет 7 та ўйинда гол урган. Томас Мюллер эса 2013–2014 йилларда худди шу натижани қайд этган.
Шу тариқа, Харри Кейн Германия кубогидаги голли серияси бўйича «Бавария»нинг икки афсонаси билан тенглашди.
