«Реал Мадрид» бош мураббийи Жозе Моуринью Рауль Асенсионинг майдондан ташқаридаги можаролари, жумладан маст ҳолда автомобиль бошқаргани билан боғлиқ воқеа ва вояга етмаган шахс иштирок этган жинсий мазмундаги видеони рухсатсиз тарқатишга эҳтимолий алоқадорлиги ҳақида фикр билдирди.

«Мен клубга келганимда у билан ўтмишдаги воқеалар ҳақида гаплашганман. Аммо шундан кейин майдон ташқарисидаги масалаларни муҳокама қилмай қўйдим.

Вальдебебасда у намунавий профессионал. Соғлом пайтида ундан кўпроқ ва яхшироқ машқ қиладиган футболчи йўқ эди. Ҳозир ҳам у машғулотга биринчи бўлиб келади ва охирги бўлиб кетади.

Аммо «Реал Мадрид» футболчиси — суткасига 24 соат, ҳафтасига 7 кун ва йилнинг 12 ойи давомида «Реал Мадрид» футболчиси бўлиб қолади. Футболдан ташқарида нима қилсангиз ҳам, бу барибир «Реал Мадрид» билан боғлиқ.

Мен бу ҳолатдан мамнун эмасман. Ҳар ким хато қилиши мумкин, аммо хатоларнинг тўпланиб бориши — бутунлай бошқа масала», — деди португалиялик мутахассис.

«Клуб ички текширув бошлади. Текширув давом этаётган экан, мен уни «Реал Мадрид» футболчиси сифатида кўраман. У ҳозир жароҳатланган ва яна бир неча ҳафта майдонга тушмайди. Бу эса менга ушбу муаммодан бироз четда туриш имконини беради», — дея қўшимча қилди Моуриньо.