Бразилия терма жамоаси бош мураббийи, аввалроқ Испаниянинг «Реал Мадрид» клубини бошқарган Карло Анчелотти мадридликлар машғулотига ташриф буюрди. Бу ҳақда «Реал» расмий сайти хабар берди.

«Карло Анчелотти «Реал Мадрид Сити»да жамоага ташриф буюрди. «Реал»нинг собиқ ва Бразилия терма жамоасининг амалдаги бош мураббийи Вальдебебасга келиб, машғулот олдидан Моуриньо ва футболчилар билан кўришди», — дейилади клуб хабарида.

2026 йил июнь ойида «Реал Мадрид» бош мураббийлигига 63 ёшли португалиялик мутахассис Жозе Моуриньо тайинланган эди.

Моуриньо аввал ҳам 2010–2013 йилларда «Реал»ни бошқарган. У мадридликлар билан 2011/12 мавсумида Испания чемпиони бўлган, 2010/11 мавсумида мамлакат Кубогини ва 2012 йилда Испания Суперкубогини қўлга киритган.