Жейми Варди учун кутилмаган вариант пайдо бўлди. «Эвертон» бош мураббийи Дэвид Мойес тажрибали англиялик футболчи хизматларига қизиқиш билдирмоқда.

Бунга Мойес жамоасидаги кадрлар билан боғлиқ оғир вазият сабаб бўлмоқда — унинг ихтиёрида атиги 18 нафар футболчи қолган. АПЛ грандлари билан тенгма-тенг рақобатлашиш учун бу жуда кам.

Мойес Вардини ўз клубига таклиф қилиши мумкинлиги ҳақида The Sun инглиз таблойди хабар берди.

Эслатиб ўтамиз, Англия чемпионатида «Лестер» билан ғолиб чиққан Варди ҳозир эркин агент мақомида. У Италиянинг «Кремонезе» клуби билан шартномасини бекор қилганидан сўнг жамоасиз қолган.