Бильбаонинг «Атлетик» клуби марказий ҳимоячиси Эмерик Лапорт ўтган ёзда «Барселона»га ўтишни истаган.
Каталонияликлар 32 ёшли футболчининг номзодини жиддий кўриб чиққан. Лапортнинг ўзи ҳам «Барселона»га қўшилиш ғоясини маъқуллаган, бироқ «Атлетик» футболчи билан хайрлашишни истамагани сабаб трансфер амалга ошмаган.
Transfermarkt портали Лапортнинг бозор қийматини 8 млн еврога баҳоламоқда. Тажрибали марказий ҳимоячининг баск клуби билан амалдаги шартномаси 2028 йилнинг ёзига қадар мўлжалланган.
Якшанба куни «Барселона» сафарда «Валенсия»га қарши майдонга тушади. Бир кун аввал эса «Атлетик» ўз майдонида Мадриднинг «Атлетико» клубини қабул қилади.
