"Барселона" машғулот базаси яқинида кулгили ҳолат юз берди.

Айрим мухлислар "Барселона" аёллар жамоаси ҳужумчиси Керолинни эркаклар жамоаси футболчиси Рафинья Диас билан адаштириб юборишди.

Мухлислардан бири футболчи камида икки дақиқага тўхтаб, автограф бериши ва суратга тушиши кераклигини айтиб, норозилик билдирган.

"Мен Рафинья эмасман. Мен аёл кишиман!" — деди Керолин машинасидан туриб.

26 ёшли Керолин Николи "Барселона" тарихидаги энг қиммат аёл футболчи ҳисобланади. Каталония клуби уни "Манчестер Сити"дан тахминан 1,5 миллион еврога харид қилган.

Бунга қадар "Барселона" бир нафар аёл футболчи трансфери учун 1 миллион евродан ортиқ маблағ сарфламаган эди.