"Челси" бош мураббийи Хаби Алонсо жамоанинг янги ҳужумкор ярим ҳимоячиси Морган Рожерснинг ўйинини юқори баҳолади.

"Ҳозирги пайт учун ҳам, келажакни ўйлаб ҳам бундай даражадаги футболчини харид қилиш жуда муҳим эди. У келаси 6–7 йил давомида жамоанинг асосий футболчиларидан бири бўлади. У ҳозирнинг ўзида катта таъсир кўрсатмоқда", — дея Алонсонинг сўзларини BBC келтирди.

Роджерс "Астон Вилла"дан 138 миллион еврога харид қилинган.

Англиялик футболчи "Челси" сафида Премьер-лигада ҳозирга қадар 2 та учрашувда майдонга тушиб, 1 та гол ва 1 та голли узатма қайд этди.

Лондонликлар янги АПЛ мавсумини кетма-кет икки ғалаба билан бошлади. "Челси" аввал "Фулхэм"ни 3:2, кейин эса "Брайтон"ни 4:3 ҳисобида мағлуб этди.