«Ливерпуль» бош мураббийи Андони Ираола дубль қайд этган Александер Исак ҳақида фикр билдирди.

«У биз учун жуда муҳим футболчи. Мен ундан фақат гол уришни талаб қилмайман. У яхши формада, жисмонан тайёр ва, албатта, голлар уради.

Бироқ менинг унга қўядиган талабларим кўпроқ бошқа жиҳатларга — турли вазиятларда жамоага қандай ёрдам бера олишига боғлиқ. Шундай бўлса-да, у кетма-кет икки ўйинни тўлиқ ўтказгани, бугун ҳам майдонда анча вақт ҳаракат қилиб, голлар ургани жуда яхши.

Бугун биз прессингда анча, анча яхшироқ ҳаракат қилдик. Тўпни рақиб майдонида жуда юқорида олиб қўйдик ва шунинг ҳисобига Исакни қулай позицияларда топа олдик.

Агар тўпни пастроқ ҳудудда қайтариб олсак, уни топиш қийинроқ бўлади, чунки бўш ҳудудлар камаяди. Шу сабабли бугунгидай тўққизинчи рақамимиз учун қулай вазиятлар яратиш мақсадида янада сифатли ва фаол ҳаракат қилишимиз керак», — деди Ираола Sky Sports нашрига берган интервьюсида.