«Милан»нинг собиқ футболчиси Звонимир Бобан клуб Гонсалу Рамушни «ПСЖ»дан сотиб олиш учун ҳаддан ташқари катта маблағ сарфлаган, деб ҳисоблайди.
«Гонсалу Рамуш учун меъёрдан ортиқ нарх тўланди. Албатта, унинг кучли жиҳатларини тан олиш керак: у майдонда яхши ҳаракатланади, зарба бериш учун қулай позицияларни топа олади ва голни ҳис қилиш қобилиятига эга.
Бироқ, менимча, унда жамоани ҳақиқатан ҳам янги босқичга олиб чиқишга қодир бўлган даражадаги маҳорат етишмайди», — деди Бобан La Gazzetta dello Sport нашрига.
Эслатиб ўтамиз, Звонимир Бобан 1991 йилдан 2001 йилгача «Милан» шарафини ҳимоя қилган.
