«Реал» афсонаси Луиш Фигу Мадрид клубининг ёзги трансфер кампаниясини юқори баҳолади.
«Менимча, «Реал» трансфер бозорида жуда яхши ишлади. Клуб айнан кучайтириш зарур бўлган позицияларга футболчиларни олди: марказий ҳимоячи, икки нафар қанот ҳимоячиси ва вингер Диоманде.
Умуман олганда, трансферлар жуда яхши чиқди. Клуб биринчи навбатда машҳур исмларга эмас, балки жамоанинг реал эҳтиёжларига эътибор қаратди», — деди Фигу.
«Бу қадам жамоа яна ўзига бўлган ишончни ҳис қилиши ва мухлислар янги мавсумни муваффақиятга бўлган умид билан бошлаши учун зарур эди», — дея қўшимча қилди у.
Аввалроқ Фигу трансфер бозоридаги айрим келишувларда жуда катта маблағлар айланаётгани ҳақида ҳам фикр билдирган эди.
