«Манчестер Сити» бош мураббийи Энцо Мареска ярим ҳимоячи Фил Фоденнинг ўйини ҳақида фикр билдирди.

26 ёшли футболчи жорий АПЛ мавсумида «шаҳарликлар» сафида ўтказган икки учрашувида иккита голли узатма қайд этди.

«Менимча, Филнинг энг яхши позицияси — марказда. Дастлабки икки учрашувда Докунинг жароҳати сабаб бошқа вариантларимиз бўлмагани учун у қанотда ўйнашига тўғри келди.

Фил ўзини яхши кўрсатди, аммо марказда у анча қулай ҳаракат қилишига ҳеч қандай шубҳа йўқ. Биринчи кунданоқ ундан мамнунман. У қанотда ўйнаганида ҳам жуда яхши ишлаяпти.

Биз ундан турли позицияларда фойдаланамиз. Фоден — яхши футболчи, яхши футболчилар эса турли ролларда ўйнай олади», — деди Мареска.

«Манчестер Сити» бугун Англия Премьер-лигаси доирасида ўз майдонида «Ковентри»га қарши майдонга тушади.