Бугун, 5 сентябрь куни Ўзбекистон Суперлигасининг 20-тури доирасида "Сўғдиёна" ва "Машъал" жамоалари ўзаро тўқнаш келади. Учрашув соат 18:00 да Зомин стадионида бошланади.
Жамоалар шу кунга қадар 34 марта ўзаро майдонга тушган. Бу учрашувларнинг 14 тасида "Машъал", 10 тасида "Сўғдиёна" ғалаба қозонган. Яна 10 та баҳсда кучлар тенг келган.
Тўплар нисбати ҳам муборакликлар фойдасига — 43:36.
"Сўғдиёна"нинг мазкур рақиб устидан энг йирик ғалабаси 3:0 ҳисобида қайд этилган. "Машъал" эса ўзаро қарама-қаршиликда 5:1 ҳисобидаги энг йирик ғалабага эга.
Бугунги баҳс жамоаларнинг ўзаро 35-учрашуви бўлади. Айни пайтда "Сўғдиёна" 19 ўйиндан кейин 24 очко билан 10-ўринда, "Машъал" эса 4 очко билан турнир жадвалининг сўнгги поғонасида бормоқда.
