Туркиялик ярим ҳимоячи Ҳакан Чалханоглу 2021 йилда «Интер» сафига қўшилган ва миланликлар билан икки марта Италия чемпиони бўлган. Футболчи «Интер»даги энг ёқимли хотирасини айтиб берди.
«Менда «Интер» билан боғлиқ жуда кўп ажойиб хотиралар бор. Дебют қилган кунимданоқ «нерадзурри» мухлисларининг меҳри ва илиқ муносабатини ҳис қилганман. Улар ҳатто мен учун алоҳида қўшиқ ўйлаб топишди ва уни бутун «Сан-Сиро» стадиони куйларди.
Энг яхши лаҳза? Бу борада ҳеч қандай шубҳа йўқ — клубга иккинчи юлдузни олиб келган Скудеттони қўлга киритиш. Бунинг устига, чемпионлик «Милан»нинг уй майдонида ўтган дербидан кейин расмийлашган эди», — дея Чалханоглунинг сўзларини pianetamilan.it келтирмоқда.
Эслатиб ўтамиз, кеча «Интер» «Наполи»ни 3:2 ҳисобида мағлуб этди.
