«Наполи» бош мураббийи Массимилиано Аллегри Италия чемпионатининг 3-турида «Интер»дан 2:3 ҳисобида учралган мағлубиятдан сўнг фикр билдирди.

«Биз рақибга иккинчи голни жуда осон уришга имкон бердик. Бу техник жиҳатдан юқори савияда ўтган, жуда қизиқарли ўйин бўлди. Ғалаба қозонишимиз ҳам мумкин эди, аммо якунда улар ютиб кетди.

Биз хотиржамликни сақлашимиз ва ўйиннинг айрим қисмларида ҳимоядаги концентрацияни яхшилашимиз керак. Сўнгги икки учрашувда 5 та гол ўтказиб юбордик», — дея Аллегрининг сўзларини Calcio Napoli 24 келтирмоқда.

Расмус Хёйлундни алмаштириш ва 4-5-1 схемасига ўтиш ҳақида мутахассис шундай деди:

«Расмус жуда кўп ишлади ва чарчади. Лукка эса ўйинга яхши қўшилди. Мен Бадьяшилени майдонга туширдим, чунки у ҳаводаги курашларда бизга ёрдам бера олиши мумкин эди.

Аммо футбол мантиққа бўйсунмайди — якунда биз икки голни бош билан ўтказиб юбордик».

Ушбу ўйиндан кейин «Наполи» 3 очко билан турнир жадвалида 13-ўринни эгаллаб турибди.