"Бавария" Саша Боэни сотиш учун фаол ҳаракат қилмоқда.
Европанинг етакчи чемпионатларида ёзги трансфер ойнаси ёпилган бўлса-да, айрим лигаларда, жумладан Саудия Арабистонида трансферлар ҳали ҳам амалга оширилиши мумкин.
Яқинда "Бавария" спорт директори Кристоф Фройнд Боэнинг клубни тарк этиш эҳтимоли паст эканини айтган эди. Унинг таъкидлашича, агар футболчи бошқа жамоага ўтмаса, мюнхенликлар уни яна асосий таркибга қайтаришга ҳаракат қилади.
Журналист Кристиан Фалькнинг CFBayern Insider нашрига маълум қилишича, "Бавария" айни пайтда Боэни сотиш бўйича Саудия Арабистони клублари билан музокара олиб бормоқда.
Ўнг қанот ҳимоячисининг "Бавария" билан шартномаси 2028 йилгача амал қилади. Футболчининг ўзи ҳам Саудия Арабистонига кўчиб ўтишга қарши эмас.
Бугун мюнхенликлар ушбу трансферни амалга оширишга улгурган-улгурмагани маълум бўлади.
