«Челси»нинг собиқ ярим ҳимоячиси Фрэнк Лэмпард ўз вақтида нега «Манчестер Сити»га ўтгани ҳақида гапириб берди. Хавбек «шаҳарликлар» шарафини 2014 йилдан 2015 йилгача ҳимоя қилган.

«Мен ҳар доим фаолиятимни «Челси»да якунлайман деб ўйлардим. Бу содир бўлмаслиги аниқ бўлгач ва «Манчестер Сити»га ўтиш имконияти пайдо бўлганида, «Челси» билан боғлиқ тарихим сабабли амалдаги чемпионлар сафига ўтиш фикри мени хавотирга солган эди. Лекин бу айни пайтда анча ҳаяжонли ҳам эди. 35 ёшда бўлишимга қарамай, чемпионлар мени ўз сафида кўришни истаганидан мамнуният ҳис қилган», — дейди Лэмпард.

Эслатиб ўтамиз, Лэмпард 2001 йилдан 2014 йилгача «Челси»да тўп сурган. Фрэнк «Манчестер Сити»да ўйнаб юрган кезларида «кўклар» дарвозасига гол ҳам урган, бироқ уни нишонламаган.