Мадриднинг «Реал» клуби Чемпионлар лигасининг умумий босқичи 1-туридан ўрин олган Миланнинг «Интер» жамоасига қарши ўз майдонидаги ўйинга тайёргарлик кўрмоқда.
Беллашув сешанба куни бўлиб ўтади. Журналист Альберто Перейронинг хабар беришича, «қаймоқранглилар» бош мураббийи Жозе Моуриньо Трент Александер-Арнольдни асосий таркибга киритиш вариантини жиддий кўриб чиқмоқда. У англиялик футболчини ўзининг одатий ўнг қанот ҳимояси эмас, балки Федерико Вальверде билан жуфтликда ярим ҳимоя чизиғида майдонга туширишни режалаштирмоқда.
Жума куни Мадрид гранди Ла Лиганинг сафардаги ўйинида «Бетис»га имкониятни бой бериб (0:1), мавсумдаги илк мағлубиятини қабул қилиб олган эди.
Жозе Моуриньо июнь ойида Альваро Арбелоанинг ўрнини эгаллаб, «Реал»га қайтган эди.
