«Барселона» вингери Энтони Гордон янги жамоасидаги фаолиятини жуда муваффақиятли бошлади.
25 ёшли англиялик футболчи Испания чемпионатининг дастлабки 4 турида 4 та голли узатма қайд этди.
OptaJose маълумотига кўра, Гордон XXI асрда Ла Лиганинг дастлабки 4 учрашувида камида 4 та ассист амалга оширган учинчи футболчи бўлди. Бунга қадар бундай натижани фақат Сеск Фабрегас ва Луис Суарес қайд этган. Қизиғи, улар ҳам бу кўрсаткичга «Барселона» сафида эришган.
Ла Лиганинг 4-турида «кўк-анорранглилар» сафарда «Валенсия»ни 5:0 ҳисобида йирик тарзда мағлуб этди.
Шу тариқа, «Барселона» 12 очко билан турнир жадвалида якка пешқадам бўлиб турибди.
