"Алавес" ҳужумчиси Мариано Диас 2026/27 йилги Ла Лига мавсумини юқори савияда бошлади.
Доминиканлик футболчи чемпионатнинг дастлабки 4 та учрашувида 3 та гол ва 3 та голли узатма қайд этиб, "гол+пас" тизими бўйича 6 очко жамғарди.
Мариано "Осасуна"га қарши баҳсда бир гол ва бир ассист билан ажралиб турди. Кейинги учрашувда "Райо Вальекано" дарвозасини ишғол қилди. "Хетафе"га қарши ўйинда эса ҳужумчи яна бир гол уриб, шерикларига икки марта голли узатма берди.
Шу тариқа, "Реал"нинг собиқ футболчиси янги мавсум бошида ҳар бир учрашувга ўртача 1,5 та самарали ҳаракат қайд этмоқда.
