«Челси» Энцо Фернандес «Манчестер Сити»га ўтганидан сўнг унинг ўрнини босиш учун бир нечта вариантни кўриб чиққан.

Лондон клуби Ману Коне ва Ламин Камара номзодларини ўрганган, аммо трансфер ойнаси ёпилгунига қадар бу келишувларни амалга ошира олмаган.

Шундан сўнг «Челси» эркин агент мақомидаги бир қатор футболчиларга эътибор қаратган. Улар орасида «Бавария» ва «Пари Сен-Жермен»нинг собиқ ярим ҳимоячиси Ренату Саншеш ҳам бўлган.

Foot Mercato маълумотига кўра, 29 ёшли португалиялик футболчи юқори даражадаги катта тажрибаси ва «ПСЖ»ни тарк этгач, дарҳол янги клубга қўшилиш имконияти борлиги сабаб «Челси» учун жозибадор вариант сифатида қаралган.

Бироқ якунда Лондон клуби Саншеш трансферини амалга оширмасликка қарор қилди ва жамоадаги мавжуд ярим ҳимоячиларга ишонч билдиришни маъқул кўрди.

Бу қарор «Челси»нинг янги бош мураббийи Хаби Алонсо фикрларига ҳам мос келади. У яқинда жамоада мавсумни муносиб ўтказиш учун етарли сифат ва рақобат борлигини таъкидлаган эди.