Мадриднинг «Реал» клуби бош мураббийи Жозе Моуриньо ҳозирда «Интер»ни бошқараётган Кристиан Киву ҳақида фикр билдирди. Икки мутахассис жамоалари 8 сентябрь куни Чемпионлар лигаси доирасида ўзаро тўқнаш келади.

Моуриньодан Киву келажакда мураббий бўлишини олдиндан кутганми, деб сўрашди.

«Бу ҳақда аниқ айтиш қийин. Футболчилар ҳали майдонда ўйнаб юрган пайтида асосий эътиборини футболга қаратади. У ёшлар жамоасини бошқарган даврда Киву билан кўп мулоқот қилганман.

Ўшанда унинг мураббийликка чиндан ҳам қизиқишини ва бу иш унга ёқишини тушундим. Кристиан ҳақиқатан ҳам мураббийлик билан шуғулланишни хоҳлаётганини ва ўзини бу соҳада синаб кўришга тайёр эканини кўрдим.

Баъзан собиқ футболчилар билан учрашаман, аммо улар бу касб билан тил топиша олмайди», — деди Моуринью.

Киву 2007 йилдан 2014 йилга қадар «Интер» сафида футболчи сифатида тўп сурган. У 2018 йилда клуб тизимида мураббийлик фаолиятини бошлаб, ёшлар жамоалари билан ишлаган.

2025 йилда Киву «Парма» асосий жамоасини қабул қилиб олган, бир неча ойдан сўнг эса «Интер» бош мураббийи этиб тайинланган.

Унинг қўл остида «Интер» ўтган мавсум Италия чемпионати ва Италия Кубогида ғолиб чиққан.