Чоршанба куни «ПСЖ» Чемпионлар лигаси умумий босқичининг 1-турида ўз майдонида «Слован»ни қабул қилади. УЕФА расмий сайтида ушбу учрашув учун ҳакамлар тайинлови эълон қилинди.
Париждаги баҳсни Украинадан бўлган ҳакамлар бригадаси бошқаради. Учрашув бош ҳаками — Николай Балакин. Унга қанотларда Александр Беркут ва Виктор Матяш ёрдам беради. Тўртинчи ҳакам вазифасини ҳам украиналик Дмитрий Панчишин бажаради.
VAR тизимида англиялик Майкл Солсбери, AVAR сифатида эса словениялик Матей Юг ишлайди.
Сўнгги йилларда айрим украиналик футболчилар еврокубок ўйинларида россиялик футболчилар билан учрашганда қўл бериб кўришишдан бош тортган ҳолатлар кузатилган. Бироқ ҳакамлар майдонда максимал даражада бетараф бўлиши талаб этилади.
«ПСЖ»нинг асосий таркибида Россия терма жамоаси дарвозабони Матвей Сафонов яна майдонга тушиши кутилмоқда.
