«Интер» бош мураббийи Кристиан Киву Чемпионлар лигаси 1-турида «Реал»га қарши бўлиб ўтадиган учрашув олдидан матбуот анжуманида фикр билдирди.

«Интер» Италия чемпионатининг сўнгги турида «Наполи»ни 3:2 ҳисобида мағлуб этди. Миланликлар ғалабани иккинчи бўлимга қўшиб берилган вақтдаги гол эвазига қўлга киритди.

«Шанба оқшомидаги каби оғир, аммо ажойиб ўйиндан кейин яна бир кун дам олишни афзал кўрардим. Аммо тақвим — тақвим, бунга кўникишимиз керак.

Сўнгги икки мавсумда биринчи саккизликдан жой олиш учун қанча очко тўплаш кераклигини тушуниб олдик. Шунингдек, биринчи саккизликка кирмаслик нимани англатишини ҳам биламиз — плей-офф босқичи жуда мураккаб», — деди Киву.

«Реал» ва «Интер» ўртасидаги учрашув 8 сентябрь куни Мадридда бўлиб ўтади.