Мадриднинг «Реал» клуби ҳужумчиси Килиан Мбаппе Ла Лиганинг 4-турида «Бетис»га қарши ўйиндаги 0:1 ҳисобидаги мағлубият ҳақида фикр билдирди.

«Қироллик клуби» жорий мавсумда илк бор мағлуб бўлди. Мбаппе учрашувга қўшиб берилган вақтда пенальтидан фойдаланиб, ҳисобни тенглаштириши мумкин эди, аммо зарбани аниқ амалга ошира олмади.

«“Бетис”дан учралган мағлубият ҳақида? Менимча, биз яхши ўйин ўтказдик, аммо энг муҳими — гол уришнинг уддасидан чиқа олмадик. Мен кўп имкониятларни бой бердим, аммо жамоанинг ўйинидан мамнунман.

Агар бутун мавсум давомида шу тарзда ўйнашда давом этсак, муваффақиятга эришамиз ва мен кўп голлар уришим мумкин», — деди Мбаппе.

Сешанба куни «Реал» Чемпионлар лигаси доирасида Миланнинг «Интер» клубини ўз майдонида қабул қилади.